یولا سالما

سن گئدنده

گؤزلریمدن سو آتدیم دالینجا

بولودلار، دولموش ، توتولموش

اوره‏گیم قارا قانجیل

ایگیدلر آغلاماز دئمیشلر

یوخسا آغلاردیم

آغلایاردیم

گؤزلریمى گیزله‏ده‏ردیم

یارى - یامجیل سوزلریمى اودخوناردیم

اللریمى گاه جئبیمه، گاه قوینوما، گاه هاوایا

بورج وئره‏ردیم

نسنه‏لره سبب‏سیز آجى باخاردیم

- قوش باخیشى

تله‏سه‏ردیم

سوروجو تئز یوللاسین

- قالما، گئت، گئت، داها دورما

- گئده‏ره‏م یاخشى ایشیم یوخدور گئده‏رم،

دئییب، دایاناردیم

سن گئده‏ردین،

دونیا مندن اوزاقلاشاردى

ژوکوند گولوشو

ابدى یاشاماق آرزوسویلا چارپیرسان

بیلیرم

یوخسا

اولومو قویوب

اؤلومدن آجى سیخینتیلارا دؤزمه‏زدین

سئوگى‏یه چاتماق آرزوسویلا چارپیرسان

بیلیرم

آمما

سئوگى

یالان‏لارین ایچینده

اینانیلمیش یالاندیر

:: او چینارلاری     

او چینارلاری کسیرلر اویانین

کؤلگه­سینده سئویشیدییم چینارلاری

او چینارلار کسیله­ندن

باغچامیزدا هاوا آزدیر

او پالیت­لاری وورورلار

سیراسیندا بؤیودویوم پالتیلاری

او پالتیلاری ووراندان

کوسدو چایلاردان اولدوزلار

اؤلدوردولر قاراجا بالیغی

او سرولری بودارلاییرلار

قوللاریندا اوخودوغوم سرولری

او سرولری بودارلایاندان

باغچالاردان قوشلار آزالدی

من، اللریم اللریندن

اوزولن سئوگیلی­یه

سون سؤزومو

او چینارلیقدا دئمیشدیم

بیر باهار 

گیلاس آغاجلارین

             اویانیرسان

بالتالارین یوخوسوندا 

آلین یازى

یاشامادیق

ائوجیك - ائوجیك اوینادیق

بو یاشاماق دئییل

او دوغوم ایل‏لریمیزدن كى، آرپا چؤره‏یى دیشیمیز كسمه‏دى

گنج‏لیگیمیز ساواشلاردا كئچدى - چؤرك صفینده

كوپن صفینده

بودا یارى یاشیمیز

ایستر  - ایستمز آغالارین قاباغیندا

بوینوموز توكدن نازیك .   

Ayin ölümü

Durum gedim

Aynalarin tozun  tökum

Saçlarimdan darağlara bir söz deyim

Sözlarimin ağida var qarasida

Belə dedin

Bir zamanki yuxularda səni görmür

Bir zamanki xatirər qaranliqda boğulur

Gərək qalxam

öz kölgəmın çıgni ustə

əllərımlə aya baxam

yoxsa gözdən nə ummali

soruşuram

denən görüm nə olubdur

nə olubki ulduzlarda ağlaşırlar

bır udxunub ikisinə yetışməmış

ay ölübdür

gövrəlirəm

dıvarlara üz tuturam

ayın hələ on dord yaşı olmamışdır.

بو شعرلرى …

بو شعرلرى سنه یازیرام

اونلاردان

كیمسه‏یه بیر سؤز سؤیله‏مه

من ده

دیلیمین آچارین دنیزه آتمالییام

آللهى نه گؤروبسن؟

بلكه من بیردن - بیره

سنله قول - بویون اولدوم

ساحیلده نه سایاق

یئل توتار دالغالارى.